Jobs

Rydym yn chwilio am lanhawr i ddarparu gwasanaethau glanhau safonol yn Nant Gwrtheyrn.

Cyflog: Graddfa Cyflog - i'w gadarnhau

Hyd Cytundeb: Swydd barhaol

Cyfnod Prawf: 6 mis

Oriau Gwaith: Rhan amser - swydd 42 awr yn cael ei rannu i 2 swydd rhan amser

Prif Gyfrifoldebau:

• Dyletswyddau glanhau safonol yn y Neuadd, Caffi, Plas, Sgubor, Capel a'r swyddfeydd.
• Sicrhau bod y safle yn edrych ar ei orau pob amser.
• Glanhau toiledau'r safle yn gyson yn ystod y dydd.
• Cyfrifol am lanhau yn dilyn digwyddiadau.
• Weithiau bydd gofyn i chi helpu'r adran llety gyda newid y gwlâu.
• Sicrhau fod offer glanhau yn cael ei gadw yn yr ardaloedd priodol.
• Adrodd i'r Arweinydd Gofal a Glendid os oes angen archebu ac ailgyflenwi stoc cynnyrch glanhau.
• Hyblygrwydd gydag oriau yn ddibynnol ar ddigwyddiadau, hyn yn cael ei drefnu a chyfathrebu gan yr Arweinydd Gofal a Glendid.

Am fwy o wybodaeth neu i wneud cais am y swydd anfonwch eich CV at post@nantgwrtheyrn.org

Rydym yn chwilio am ofalwr i ddarparu gofal cyffredinol o holl safle ac eiddo Nant Gwrtheyrn.

Cyflog: Graddfa Cyflog - i'w gadarnhau

Hyd Cytundeb: Swydd barhaol

Cyfnod Prawf: 6 mis

Oriau Gwaith: Shifftiau 4 diwrnod (8yb tan 4yh a 2yh tan 10yh bob yn ail shifft)

Prif Gyfrifoldebau:

• Agor a chau atyniadau'r safle
• Gofalu am holl offer a chelfi’r safle yn gyffredinol. Sicrhau fod yr offer a’r celfi priodol yn cael eu lleoli ar gyfer digwyddiadau a darpariaeth addysgol yn y Nant.
• Gosod y Neuadd/Capel/Plas ar gyfer priodasau neu ddigwyddiadau (e.e. Cynadleddau, ysgolion, dosbarthiadau a.y.b. a’u clirio ar ôl y digwyddiad.
• Dyletswyddau glanhau cyffredinol yn y Neuadd, Caffi, Plas, Capel a’r swyddfeydd a sicrhau fod y safle yn edrych ar ei orau bob amser.
• Bod yn gyfrifol am godi ysbwriel a gwagio biniau allanol a thu mewn i’r gofodau i gyd a’u rhoi yn y sgip.
• Hysbysu’r Arweinydd Gofal a Glendid am unrhyw nwyddau sydd angen eu harchebu ar gyfer y safle.
• Hysbysu’r Arweinydd Gofal a Glendid pan fydd angen contractwyr i wagio biniau ail-gylchu a gwastraff yr adran Arlwyo a Safle.
• Gofalu am ddiogelwch a pharcio priodol yn ystod digwyddiadau.
• Gwaith cynnal a chadw fel peintio a thrwsio yn ôl y gofyn.
• Goruchwylio’r canlynol:

• Lle dwr a chronfa’r safle
• Darllen mesuryddion trydan ac ati, eu cofnodi a’u gyrru ymlaen i’r Arweinydd Gofal a Glendid
• Gwneud prawf ar y larymau tan yn wythnosol a’u cofnodi
• Monitro gwres a dŵr yn Nhrem y Môr a Threm y Mynydd a’u codi/gostwng fel bo angen.

• Casglu data a chofnodi data’n wythnosol ar gyfer yr uchod.
• Adrodd i'r Arweinydd Gofal a Glendid os oes unrhyw broblemau ar y safle e.e. diffyg gwres, offer yn torri.
• Cydweithio gyda chontractwyr allanol yn ôl yr angen dan oruchwyliaeth yr Arweinydd Gofal a Glendid.
• Delio gydag ymholiadau cwsmeriaid yn ôl y gofyn, mewn modd proffesiynol a chyfeillgar.
• Gyrru beic cwad a defnyddio’r graeanwr halen yn ystod y gaeaf (Darperir hyfforddiant)
• Dyletswyddau porthor y safle
• Gweithio mewn modd cyfrinachol ac o fewn rheolau’r Ddeddf Gwarchod Data.
• Weithiau bydd gofyn i helpu'r adran llety gyda stripio gwlâu.
• Unrhyw waith rhesymol arall.

Am fwy o wybodaeth neu i wneud cais am y swydd anfonwch eich CV at post@nantgwrtheyrn.org

Mae tîm Arlwyo Nant Gwrtheyrn yn chwilio am gogydd profiadol ac uchelgeisiol, sydd wedi arfer cynnal y safonnau gorau posib yn y maes arlwyo.

Cyflog: Graddfa Cyflog - i'w gadarnhau

Hyd Cytundeb: Swydd barhaol

Cyfnod Prawf: 6 mis

Oriau Gwaith: I'w drafod

Prif Gyfrifoldebau:

• Bod yn rhan o dîm sydd yn hyrwyddo a chreu profiad bwyta Cymreig o fewn cyd-destun amcanion Nant Gwrtheyrn. 
• Coginio ar gyfer amrywiaeth o gwsmeriaid a chleientiaid a darparu bwyd o ansawdd a safon uchel.
• Darparu prydau i bobl gyda deietau arbennig yn ôl y gofyn.
• Bod yn rhan o’r tîm cogyddion yn creu bwydlenni diddorol , apelgar ar gyfer traws-doriad o gwsmeriaid.
• Sicrhau bod y safonau disgwyliedig ar gyfer gwasanaethu bwyd ynghyd â gofal a gwasanaeth cwsmer yn cael eu darparu.
• Sicrhau bod y Nant yn cyrraedd safonau Diogelwch Bwyd ac Iechyd yr Amgylchedd.
• Cynorthwyo a chynnal hylendid y gegin a’r offer, yr ystafell fwyta, y storfeydd a.y.b. yn unol â chyfarwyddiadau’r Arweinydd Arlwyo.
• Mynd ar gyrsiau penodol yn ôl y gofyn.
• Cydweithio gyda’r Arweinydd Arlwyo i archebu cyflenwadau.
• Cyfrannu tuag at waith tîm yr adran Arlwyo i reoli costau a lleihau gwastraff.
• Ymgymryd â hyfforddiant datblygiad personol, gan gynnwys y tu allan i oriau gwaith yn ôl yr angen.
• Mynychu cyfarfodydd yr adran arlwyo yn rheolaidd.
• Unrhyw waith rhesymol arall (e.e. gosod a chlirio byrddau).

Am fwy o wybodaeth neu i wneud cais am y swydd anfonwch eich CV at post@nantgwrtheyrn.org